İspaniya nəhəngi "Real Madrid"in rəhbərliyində gələn mövsümün transfer planları ilə bağlı olduqca maraqlı hərəkətlilik yaşanır.
Fanat.Az "TEAMtalk" nəşrinə istinadən xəbər verir ki, klubun yuxarı rütbəli rəsmiləri prezident Florentino Peresi cari yay transfer pəncərəsində "Arsenal"ın ulduz yarımmüdafiəçisi Deklan Raysı heyətə qatmağa çağırıblar.
Madrid klubunun rəhbər heyəti ingiltərəli dayaq yarımmüdafiəçisini komandanın orta xəttini gücləndirmək üçün ən ideal namizəd hesab edir.
Lakin London təmsilçisi olan "Arsenal"ın ulduz futbolçunu satmaq kimi bir niyyəti qətiyyən yoxdur. "Topçular" Raysı buraxmaq üçün vaxtilə onun transferi müqabilində "Vest Hem" klubuna ödədikləri 105 milyon funt-sterlinqlik rekord məbləğdən qat-qat artıq bir təklif tələb edirlər.
