Ermənistan 2 iyun tarixindən etibarən yoxlamadan keçən iki şirkət istisna olmaqla, bütün Ermənistan şirkətlərindən Rusiyaya ixrac üçün nəzərdə tutulan canlı balıq və balıq məhsullarının baytarlıq sertifikatlaşdırılmasını dayandırmalıdır.
Azpost.info bildirir ki, bu barədə Rusiyanın keyfiyyət üzrə orqanı olan Rosselxoznadzor məlumat verib.
Agentlik bildirib ki, Rosselxoznadzor 21-27 may 2026-cı il tarixlərində Ermənistandakı balıq emalı zavodlarını yoxlayıb və həmçinin alabalıq təsərrüfatlarını ziyarət edib. Lakin şirkətlərin 50%-i yoxlamalardan imtina edib.
“Yoxlama nəticələrinə əsasən, Ermənistan mövcud vəziyyət həll olunana qədər yoxlamadan keçən iki şirkət istisna olmaqla, bütün Ermənistan şirkətlərindən bu məhsulların rusiyalı alıcıları üçün canlı balıq və balıq məhsullarının baytarlıq sertifikatlaşdırılmasını dayandırmalıdır”-deyə agentlik bəyan edib.
Təsdiqlənmiş iki zavoddan balıq məhsullarının təhlükəsizlik göstəriciləri üçün laboratoriya monitorinqi aparılmaqla Rusiyaya idxal ediləcəyi dəqiqləşdirilib.
