Yarışmanın məqsədi ekoloji mədəniyyətin təşviqi, təbiətin mühafizəsi ilə bağlı maarifləndirmənin artırılması və gənclərin sosial media vasitəsilə ekoloji təşəbbüslərə cəlb edilməsidir. Bu yarışma vasitəsilə məqsədimiz hər kəsi təbiəti qorumağa çağırmaq və kiçik addımlarla böyük dəyişikliklər yaratmaqdır. “EcoReels” yarışmasında istənilən yaş kateqoriyasından vətəndaşlar iştirak edə bilər.
Sən də qoşul, mesajını paylaş və başqalarına ilham ver!
Mövzu istiqamətləri
Video həm məlumatlandırıcı, həm də ilhamverici olmalı, izləyiciləri təbiəti qorumağa təşviq etməlidir. Aşağıdakı mövzulardan biri üzrə vətəndaş mövqeyini əks etdirən reels hazırlana bilər:
- Tullantıların azaldılması və təkrar emal
İştirakçılar gündəlik həyatda yaranan tullantıların düzgün çeşidlənməsi, təkrar emal qutularından istifadə və köhnə əşyaların yenidən dəyərləndirilməsi prosesini əks etdirən reelslər hazırlaya bilərlər. Videolarda tullantının faydalı məhsula çevrilməsi və ya “əvvəl-sonra” formatından istifadə təşviq olunur. - Biomüxtəlifliyin qorunması
Reelslərdə heyvan və bitki növlərinin qorunmasının əhəmiyyəti, təbiətdə müşahidələr, milli parklar, qoruqlar və ya yerli biomüxtəliflik nümunələri nümayiş etdirilə bilər. İştirakçılar təbiətin zənginliyini və onun qorunmasının vacibliyini yaradıcı şəkildə təqdim edə bilərlər. - İqlim dəyişmələri və insan məsuliyyəti
Videolarda iqlim dəyişikliklərinin təsirləri və insanların bu prosesin qarşısını almaq üçün ata biləcəyi addımlar göstərilə bilər. Enerjiyə qənaət, ağacəkmə, suya qənaət və ekoloji həyat tərzini təşviq edən məzmunlara üstünlük verilə bilər. - Ekoturizm və ekoloji mədəniyyət
İştirakçılar təbiətə zərər vermədən səyahət etməyin yollarını, ekoturizm marşrutlarını və təbiətdə məsuliyyətli davranış qaydalarını əks etdirən reelslər çəkə bilərlər. Videolarda təmiz ətraf mühitin qorunması, təbiətə hörmət və ekoloji mədəniyyətin təbliği ön planda olmalıdır. - Reels videoların formatına dair qaydalarİştirakçıların təqdim etdiyi videolar aşağıdakı texniki və məzmun tələblərinə uyğun olmalıdır:
- Paylaşım şəxsi sosial media hesabında (Instagram və s.) yerləşdirilməli, ictimai açıq olmalı və nazirliyin səhifəsi etiketlənməli (tag) olmalıdır.
- Orijinal videolar [email protected] elektron poçt ünvanına göndərilməlidir.
- Paylaşımda aşağıdakı həştəqlər qeyd edilməlidir:
- #təbiətiqoru #ecoreels #ətrafmühitgünü
Texniki tələblər- Video şaquli formatda (9:16) hazırlanmalıdır
- Maksimum müddət: 30 - 90 saniyə
- Minimum keyfiyyət: HD (720p), tövsiyə olunan: Full HD (1080p)
- Video aydın görüntü və səs keyfiyyətinə malik olmalıdır
- Fayl formatı: MP4
Məzmun tələbləri- Video orijinal və müəllif işi olmalıdır
- Mövzu yuxarıda qeyd olunan istiqamətlər ilə bağlı olmalıdır
- Mesaj aydın, qısa və təsirli şəkildə təqdim edilməlidir
- Kreativ yanaşma (hekayə, ideya, vizual effektlər) təşviq olunur
Səs və musiqi- İstifadə olunan musiqi və səslər müəllif hüquqlarını pozmamalıdır
- Danışıq və ya mətn varsa, aydın eşidilməlidir
- Arxa fon musiqisi videonun mesajını kölgədə qoymamalıdır
Mətn və dizayn- Videoda istifadə olunan yazılar oxunaqlı və qısa olmalıdır
- Rəng və font seçimi vizual olaraq uyğun və diqqətçəkən olmalıdır
- Lazım olduqda altyazı (subtitles) əlavə olunması tövsiyə edilir
Qadağalar- Başqa mənbədən götürülmüş (plagiat) videolar
- Qeyri-etik, zorakı və ya uyğun olmayan məzmun
- Mövzu ilə əlaqəsi olmayan paylaşımlar
- Hər iştirakçı yalnız bir video göndərə bilər.
Qiymətləndirmə 2 meyarla həyata keçiriləcək- I meyar: Mövzuya uyğunluq, kreativlik və ideya, mesajın aydınlığı və təsir gücü, texniki keyfiyyət (video, montaj)
- II meyar: İctimai təsir (baxış, bəyənmə, paylaşım sayı)
Mükafatlandırma- I yer – Airpods Pro (2nd generation)
- II yer - Apple Airpods 4
- III - Samsung galaxy tab A7
Müddət- Videoların qəbulunun son tarixi: 30 iyun 2026
