ain.az, Cebheinfo portalından verilən məlumatlara əsaslanaraq xəbər verir.
Gürcüstanda bu il ilk təsdiqlənmiş denqe virusu halı qeydə alınıb.
“Cebheinfo.az” xəbər verir ki, bu barədə İaşvili Uşaq Mərkəzi Xəstəxanasının tibb direktoru İvane Çxaidze danışıb.
O bildirib ki, diaqnoz ötən həftə bir xəstədə təsdiqlənib. Xəstənin vəziyyəti və mümkün infeksiya mənbəyi də daxil olmaqla, əlavə məlumatlar açıqlanmır.
Denqe virusu yoluxmuş ağcaqanadların dişləmələri vasitəsilə insanlara ötürülən virus infeksiyasıdır. İnkubasiya dövrü adətən 5-7 gündür, lakin bəzi hallarda iki həftəyə qədər davam edə bilər.
Əsas simptomlara yüksək hərarət, şiddətli üşütmə, baş ağrısı, əzələ və oynaqlarda şiddətli ağrı daxildir.
Digər təhlükəli infeksiyalarla bağlı vəziyyəti şərh edən İvane Çxaidze ölkədə Ebola virusuna yoluxma hallarının qeydə alınmadığını vurğulayıb. O bildirib ki, hazırda Ebolanın Gürcüstana yayılması təhlükəsi yoxdur.
Xəzər
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
