Portuqaliyalı yarımmüdafiəçisi Bernadu Silva yaxın günlərdə “Barselona” klubuna transfer oluna bilər.
90deqiqe.Az xəbər verir ki, transfer prosesinin uzanmasına səbəb baş məşqçi Hans-Diter Flikin heyətdə yer açmaq istəməsidir.
Klub artıq yarımmüdafiəçi Mark Kasadonun satışını nəzərdən keçirir. Futbolçunun özü də daha çox oyun vaxtı almaq istəyir.
“Barselona” həmçinin cinah hücumçusu Runi Bardqinin icarəyə verilməsi variantını da müzakirə edir. Oyunçu ilə bir neçə klub maraqlansa da, Kataloniya təmsilçisi onun üzərində nəzarəti itirmək istəmir.
Gözlənilir ki, Bernadu Silva “Barselona” ilə iki illik müqavilə imzalayacaq. Yarımmüdafiəçinin Kataloniya klubunun maliyyə qaydalarına uyğunlaşmaq üçün maaşında azalmaya da razı olduğu bildirilir.
