Gündəlik həyatda qəfil və ani hərəkətlər diz sağlamlığını ciddi şəkildə təhdid edə bilər.
Ölkə.Az xəbər verir ki, xüsusilə qaçarkən, qəfil dayanmaq və ya istiqaməti dəyişmək dizin ən mühüm dəstəkləyici strukturlarından biri olan ön çarpaz bağa çox böyük təzyiq göstərir.
Mütəxəssislərin fikrincə, bu bağın zədələnməsi təkcə idmançılara deyil, aktiv həyat tərzi keçirən hər kəsə təsir edə bilər və müalicə olunmazsa, menisk yırtılmasından tutmuş, vaxtından əvvəl artroza qədər müxtəlif problemlərə yol aça bilər.
Bud sümüyünü və tibianı birləşdirən ön çarpaz bağ (ACL) dizin irəli sürüşməsinin qarşısını alan və fırlanma hərəkətləri zamanı sabitliyi təmin edən ən vacib bağdır. Gəzinti, qaçış, ani dayanma, istiqamət dəyişikliyi kimi hərəkətlərdə aktiv rol oynayır və bu bağın zədələnməsi gündəlik həyata birbaşa təsir edə bilir.
Ortopediya və Travmatologiya mütəxəssisi Dr. Harun Kütahya ön çarpaz bağın qorunmasında nizamlı fiziki fəaliyyət və düzgün idman vərdişlərinin böyük əhəmiyyət daşıdığını ifadə edib. O, diz ətrafındakı əzələləri güclü tutmağın, elastiklik hərəkətlərini laqeyd etməməyin və idmandan əvvəl kifayət qədər isinmənin yaralanma riskini azaltdığına da diqqət çəkib.
Billurə
