Mahir Ay Brat ləqəbi ilə tanınan meyxanaçı azadlığa buraxıldı
“Mahir Ay Brat” ləqəbi ilə tanınan meyxanaçı Mahir Qonşuyevə hökm oxunub. “Report” xəbər verir ki, bu barədə hökm Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə elan edilib. Hökmə əsasən, Mahir Qonşuyev 3 il müddətinə azadlıqdan məhrum edilib və cəza şərti hesab olunaraq məhkəmə zalından azadlığa buraxılıb. Qeyd edək ki, meyxanaçı saxlanılarkən üzərində metamfetamin aşkar edilib. Həmçinin onun sosial şəbəkələrdə gənclər və yeniyetmələr arasında cinayətkarlığı təbliğ edən meyxanalar paylaşdığı müəyyən edilib. Mahir Qonşuyevə qarşı Cinayət Məcəlləsinin 234.1-1 (satış məqsədi olmadan külli miqdarda narkotik əldə etmə, saxlama, daşıma) maddəsi ilə ittiham irəli sürülüb, barəsində həbs qətimkan tədbiri seçilib.
