İtaliyanın cənubunda yerləşən Kalabriya regionunda quraqlıq və içməli su çatışmazlığı səbəbindən fövqəladə vəziyyət elan edilib.
ILK.AZ Azərtac-a istinadən xəbər verir ki, bu barədə Kalabriya regionunun rəhbəri Roberto Okchiuto fərman imzalayıb.
Fərmana əsasən, Krotone əyalətində və Reggio şəhərində ciddi içməli su çatışmazlığı ilə əlaqədar mülki müdafiə qüvvələrinin fövqəladə vəziyyəti elan olunub. Regional Mülki Müdafiə Departamenti və aidiyyəti bələdiyyələr əhaliyə yardımla bağlı atılacaq addımlara, ehtiyacların operativ şəkildə araşdırılmasına başlayıb.
Qeyd edək ki, həftəsonu İtaliya ərazisində anomal istilər müşahidə olunacaq. Bəzi bölgələrdə havanın temperaturu 40 dərəcəni ötəcək.
Nihad Budaqov
Roma
Mənbə: AZƏRTAC
