Şimal bölgəsində temperatur mənfi 2 dərəcəyə qədər enib, qar yağır
Şimal bölgəsində davam edən qeyri-sabit hava şəraiti temperaturun mənfi dərəcəyə qədər enməsinə səbəb olub.
APA-nın yerli bürosu xəbər verir ki, gecə saatlarında Xınalıqda mənfi 2 dərəcəyə qədər şaxta olub.
Xınalıq və Laza yaşayış məntəqələrinə 1-4 sm qalınlığında qar yağıb. Bölgənin digər yaşayış məntəqələrində sulu qar və yağış müşahidə edilir.
