Ölkə 10:13 02.06.2022

Vətən müharibəsi şəhidinin azyaşlı qardaşı öldü

Siyəzən rayonunda bədbəxt hadisə baş verib.

APA-nın verdiyi məlumata görə, evdə yemək yediyi zaman özünü narahat hiss edən 13 yaşlı Rəfiyev Məhəmməd Musa oğlu Siyəzən Regional Müalicə Diaqnostika mərkəzinə gətirilib.

Həkimlərin səyinə baxmayaraq azyaşlının həyatını xilas etmək mümkün olmayıb.

Onun meyiti tibbi ekspertizadan keçirilməsi üçün Bakıya aparılıb. Ölüm səbəbi ekspertizanın nəticəsindən sonra məlum olacaq.

Faktla bağlı araşdırma davam etdirilir.

Qeyd edək ki, dünyasını dəyişən azyaşlı Vətən müharibəsi şəhidi Seyfəl Rəfiyevin qardaşıdır.