Qərb mətbuatı Rusiyanın sanksiyalar ucbatından qlobal enerji mübarizəsində qan itirməsi xəbərlərini daim işıqlandırsa da, RİA agentliyinin Rusiya üzrə tərtib etdiyi məlumatlar bunun əksini göstərir. Müvafiq olaraq, Rusiya 2023-cü ildə dünyanın ən böyük təbii qaz ixracatçısı mövqeyini qoruyub.
Hafta.az-ın yazdığına görə, RİA Beynəlxalq Qaz Birliyinin (IGU) məlumatlarına əsaslanaraq, "Rusiya 2023-cü ildə 139 milyard kubmetr təbii qaz ixrac edərək Qətər, ABŞ və Norveçi geridə qoydu.
Qətər128 milyard kubmetr, ABŞ 127 milyard kubmetr və Norveç 120 milyard kubmet qaz ixrac edir. Bu rəqəmlər Rusiyanın təbii qaz bazarında liderliyini gücləndirdiyini göstərir.
Xəbərə görə, boru kəməri ilə Rusiyanın təbii qaz ixracına Çin (26 milyard kubmetr), Türkiyə (21 milyard kubmetr) və Belarus (18 milyard kubmetr) başçılıq edir. 2023-cü ilin yanvar-avqust dövründə “Qazprom” “Sibirin Gücü” boru kəməri ilə Çinə qaz nəqlini əvvəlki illə müqayisədə 37 faiz artırıb. “Qazprom” 2025-ci ilə qədər bu xəttin ötürücülüyünü ildə 38 milyard kubmetrə çatdırmağı planlaşdırır və 2027-ci ildə Uzaq Şərq marşrutundan Çinə qazı birbaşa çatdırmağı hədəfləyir.
Mayeləşdirilmiş təbii qaz (LNG) ixracatında Rusiya 2023-cü ildə 31,4 milyon tonla dünyada dördüncü yerdədir. ABŞ, Qətər və Avstraliyadan geri qalan Rusiyanın LNG ixracının böyük hissəsi Avropa Birliyi ölkələrinə edilir. Avropa Rusiyanın LNG-nin ən böyük müştərisi olsa da, bu nisbət 42 faiz təşkil edir. Bu resursun Amerika LNG-dən daha ucuz olması və Avropaya nəqlinin daha asan olması enerji böhranına qarşı Avropanın Rusiya LNG-ni seçməsində mühüm rol oynayır.
Rusiya da LNG ixracını artırmaq üçün yeni bazarlara üz tutur. Xüsusilə Pakistanla aparılan danışıqlarda uzunmüddətli LNG müqavilələri gündəmdədir. Bundan əlavə, Rusiya Asiya-Sakit okean regionuna LNG ixracını artırmağı hədəfləyir. Şimal Dəniz Yolu üzərindəki LNG qurğuları Çin və Asiya-Sakit Okean bazarlarına ən qısa müddətdə çatmağı mümkün edir.
