Bir müddət əvvəl Qafqazşünaslıq İnstitutunun bağlanması barədə qərar qəbul olunub.
AMEA-nın Rəyasət Heyəti cəmi 18 nəfər elmi işçidən ibarət olan Qafqazşünaslıq İnstitutunun saxlanılmasını məqsədəmüvafiq hesab etməyib və onun fəaliyyətinə xitam verilməsi haqqında qərar qəbul edilib.
Qafqazşünaslıq İnstitutu 29 aprel 2015-ci iltarixində AMEA-nın ümumi yığıncağının qərarına əsasən yaradılmışdı. Qafqazşünaslıq İnstitutunun ilk direktoru Milli Məclisin deputatı, professor Musa Qasımlı olub. O, 2015-2024-cü illərdə həmin vəzifədə çalışıb.
Qafqazşünaslıq İnstitutunun sonuncu rəhbəri siyasi elmlər doktoru Ramilə Dadaşovadır. O, 2024-cü il oktyabrın 21-də AMEA Rəyasət Heyətinin qərarına əsasən, Qafqazşünaslılq İnstitutunun direktor vəzifəsini icra edən təyin edilib.
Bakıvaxtı.az xəbər verir ki, Ramilə Dadaşova Modern.az-a açıqlamasında İnstitut əməkdaşlarının bundan sonrakı fəaliyyətləri barədə məlumat verib.
O bildirib ki, işçilər fəaliyyətlərini müvafiq olaraq Fəlsəfə və Sosiologiya, Tarix və Etnologiya institutlarında davam etdirəcəklər.
