Şənbə günü, aprelin 12-də Antalya Diplomatik Forumunda “Cənubi Qafqazda regional əməkdaşlıq üçün çağırışlar və imkanlar” adlı panel müzakirəsi keçiriləcək.
Müzakirələrdə Azərbaycan, Gürcüstan və Ermənistanın xarici siyasət idarələrinin rəhbərləri - Ceyhun Bayramov, Maka Boçorişvili və Ararat Mirzoyan iştirak edəcəklər.
Onların Cənubi Qafqazdakı mövcud vəziyyətin əsas aspektlərinə toxunacağı, əməkdaşlığın gücləndirilməsi və mövcud çətinliklərin aradan qaldırılması perspektivlərinə diqqət yetirəcəyi gözlənilir.
Qlobal qeyri-müəyyənlik şəraitində regionun davamlı və hərtərəfli inkişafının təmin edilməsi problemlərinə xüsusi diqqət yetiriləcək.
