EN
Topics
War
11.06.2025 ◦ 13:34

Qanuna dəyişiklik edildi: Bu hərbçilər cəzalardan azad edilir

"Hərbiyə aid olan intizam nizamnaməsinə bütün cəza növləri daxildir. Həmin nimzamnaməyə əsasən miçmanlara, gizirlərə, zabitlərə həbs cəzası nəzərdə tutulmuşdu. Bir neçə il bundan öncəyə qədər əsgərdən tutmuş polkovnik-leytenant rütbəsinə qədər cəzalar məhkəmənin qərarına əsasən həyata keçirildi. İndi isə miçman, gizir və zabit heyəti üçün cəzalar ümumiyyətlə ləğv edilir".

Bu sözləri Demokrat.az-a açıqlamasında hərbi məsələlər üzrə ekspert Rövşən Məhərrəmov deyib. 

O bildirib ki, intizam nizamnaməsində göstərilən cəzalar Sovet dövründən qalma idi:

"Biz artıq suveren dövlətik. Mentalitetimizə uyğun yeni nizamnamə hazırlanmalıdır. Qanunlarda dəyişikliklər olunur, bütün proseslər hissə-hissə həyata keçirilir. Biz artıq ordumuzda türk modelinə keçmişik. Həmin modeldə intizam xarakterli cəzalar yoxdur, yalnız rütbəsindən asılı olmayaraq cinayət törədən hərbçilər həbs edilirlər. 

Elə NATO dövlətləri var ki, əsgərlərə belə inzibati cəza yoxdur. Bu qərar komandir heyətinin nüfuzunun qalxmasına kömək edə biləcək düzgün qərardır".

Qeyd edək ki, yeni dəyişikliyə əsasən, gizirlərə, miçmanlara, zabitlərə və kursantlara intizam tənbehi qaydasında həbs cəzasının tətbiqinə dair normalar ləğv olunub.


Əfsanə Kamal
Demokrat.az
Chosen
249
23
demokrat.az

10Sources