Türkiyə prezidenti Rəcəb Tayyib Ərdoğan iyunun 15-də amerikalı həmkarı Donald Trampla yenidən telefonla danışıb.
AzPost bildirir ki, məlumata görə, görüş zamanı ikitərəfli və regional məsələlər, xüsusilə İsrail və İran arasındakı münaqişə müzakirə olunub.
“Prezident Ərdoğan ABŞ prezidenti Trampın İsrail və İran arasında münaqişəyə son qoyulması və regionda sülhün bərqərar edilməsi ilə bağlı son bəyanatlarını alqışlayıb və bütün bölgəni alov içində bürüyə biləcək fəlakətin qarşısını almaq üçün təcili tədbirlər görülməsinin vacibliyini vurğulayıb.
Prezident Ərdoğan nüvə mübahisəsinin həllinin yeganə yolunun diplomatiyadan keçdiyini və Türkiyənin bu istiqamətdə hər cür səy, o cümlədən yardım göstərməyə hazır olduğunu bildirib.
Prezident Ərdoğan görüş zamanı İsrailin İrana hücumları ilə başlayan zorakılıq spiralının hər iki tərəfə qarşısı alınmaz iqtisadi və mülki ziyan vurduğunu və bu təhlükəli tendensiyanın qarşısı alınmalı olduğunu bildirib”, – Ərdoğanın ofisinin açıqlamasında deyilir.
