İranın xarici işlər naziri Abbas Əraqçi Böyük Britaniya, Almaniya və Fransadan olan həmkarları Devid Lemmi, İohan Vadefül, Jan-Noel Barrot və Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallasla telefon danışığı həyata keçirərək, Yaxın Şərqdəki vəziyyəti müzakirə edib.
Missiya.Az xəbər verir ki, bu barədə İran XİN rəhbəri özünün “Teleqram” kanalında məlumat yayıb.
O bildirib ki, İranın təcavüzə qarşı qanuni müdafiəsi güc tətbiqi ilə davam edəcək və müharibənin hər hansı genişlənməsinin nəticələrinə görə məsuliyyət sionist rejimin o cümlədən onun havadarları və buna haqq qazandıranların üzərinə düşəcək.
“Şübhə yoxdur ki, İsrail ABŞ-nin dəstəyi, yardımı və əməkdaşlığı ilə İran xalqına qarşı bu müharibəyə başlayıb və buna görə də biz Amerikanı bu vəziyyətə görə məsuliyyətli və törədilən cinayətlərdə şərik hesab edirik”, - deyə Əraqçı vurğulayıb.
Siyasətçi həmçinin qeyd edib ki, İran heç vaxt danışıqlar masasını tərk etməyib, lakin indi diqqəti təcavüzə effektiv şəkildə dəf etməyə yönəlib.
Daşqın HəsənovMissiya.Az
