İsrail və İran arasındakı münaqişə səbəbindən digər ölkələrdən, o cümlədən İsrail, Birləşmiş Ərəb Əmirlikləri, Türkiyə, Qətərdən Rusiyaya hava yüklərinin çatdırılmasında gecikmələr başlayıb..
Poliqon xəbər verir ki, RİA Novosti bu barədə Rocket Cargo logistika şirkətinə istinadən xəbər verib.
Mütəxəssislər yükdaşımaların gecikməsini bu ölkələrin hava məkanından uçuşların ləğvi ilə də əlaqələndirirlər.
"Başqa ölkələrdən Rusiyaya hava yüklərinin çatdırılmasında ləngimələr indi müxtəlif istiqamətlərdə 7 günə qədər ola bilər. Ancaq qeyd etmək lazımdır ki, məsələn, BƏƏ-dən yüklərin çatdırılması bir həftədən az gecikir, çünki Əmirliklərdən çoxlu reyslər var və buna görə də kifayət qədər nəqliyyat variantları var", şirkət bildirib.
Poliqon.info
