Finss.az xəbər verir ki, bazar ertəsi səhər neft qiymətləri artmaqda davam edir, bazar iştirakçıları İsrail və İran arasında münaqişənin kəskinləşməsi fonunda tədarükün kəsilməsindən narahatdırlar.
Londonun ICE Futures birjasında Brent markalı avqust fyuçerslərinin qiyməti Moskva vaxtı ilə saat 8:06-a olan məlumata görə, bir barel üçün 0,68 dollar (0,92%) artaraq 74,91 dollar olub. Cümə günü bu kontraktlar 4,87 dollar (7,02%) artaraq 74,23 dollar/barel olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində iyul ayı üçün WTI neftinin fyuçersləri 0,85 dollar (1,16%) bahalaşaraq 73,83 dollar/barelə çatıb. Cümə günü sessiyadan sonra bu müqavilələrin qiyməti 4,94 dollar (7,62%) artaraq 72,98 dollar/barelə çatıb.
