futbolpress-az portalından verilən məlumata görə, ain.az xəbər yayır.
“Sabah” Avropa Liqasının I təsnifat mərhələsində Sloveniyanın “Çelye” komandası ilə qarşılaşacaq.
“FutbolPress“in məlumatına görə, “bayquşlar” daha əvvəl bir dəfə bu ölkə təmsilçisi ilə qarşılaşıb. Komanda ötən mövsümün hazırlıqları çərçivəsində “Koper”lə üz-üzə gəlib və qələbə qazanıb – 1:0.
Ümumilikdə Azərbaycan və Sloveniya komandaları buna qədər 25 dəfə üz-üzə gəlib. Bunlardan 16-sı rəsmi matç olub. “Qarabağ”, “Qəbələ”, “Neftçi”, “Şəfa” və “Bakı” avrokuboklarda Sloveniya təmsilçiləri ilə qarşılaşıb.
Azərbaycan klubları bu matçlarda 4 dəfə qələbəyə sevinib. “Qarabağ” 2, “Neftçi” və “Qəbələ” isə hərəyə bir dəfə qalibiyyət görüb.
Rəsmi görüşlərdə sloveniyalılara qarşı son duel 2023-cü ildə olub. “Qarabağ” Avropa Liqasının təsnifat mərhələsində “Olimpiya”nı səfərdə məğlub etməyi bacarıb – 2:0. Bakıdakı görüş isə bərabərliklə başa çatıb – 1:1. Sonuncu məğlubiyyət isə “Qəbələ”nin adı ilə bağlıdır. Bölgə təmsilçisi 2016-cı ildə “Maribor”a uduzub – 1:3.
Şahin Cəfərov
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
