Vüqar Nadirov növbəti mövsümə harada başlayacaq? AÇIQLAMA

Fanat saytından alınan məlumatlara görə, ain.az xəbər verir.

"Şəmkir"dən xoş xatirələrlə, halallıqla ayrıldım".

Bunu Fanat.Az-a açıqlamasında dünən bölgə komandasının baş məşqçi postunu tərk edən Vüqar Nadirov deyib.

Azərbaycan millisinin sabiq hücumçusu əlavə edib: "Orada işləmək mənim üçün böyük təcrübə oldu. Birinci Liqaya vəsiqə uğrunda pley-off oynamaq şansımız son turlara qədər davam etdi. Ümid edirəm ki, "Şəmkir"i nə vaxtsa elitada görəcəyik. Rəhbərliklə, azarkeşlərlə münasibətlərim əladır. Bir-birimizdən hər hansı narazılığımız ola bilməz". 

O, məşqçi karyerasını harada davam etdirəcəyinə hələ aydınlıq gəlmədiyini vurğulayıb: "Şəmkir"dən hardansa daha sərfəli təklif aldığım üçün ayrılmamışam. Bu gün üçün gələcəkdə hansı komandada işləyəcəyim dəqiq bilinmir. Bəzi variantlar var. Təkliflərə açığam".

Nihat

Daha ətraflı məlumat və yeniliklər üçün ain.az saytını izləyin.