Dələduzluq edən 61 yaşlı kişi həbs olundu

ain.az, Unikal.az saytına istinadən bildirir.

Şirvan Şəhər Polis Şöbəsinin əməkdaşlarının həyata keçirdikləri tədbirlər nəticəsində vətəndaşların etibarından sui-istifadə edərək onlara qarşı dələduzluq edən Göygöl rayon sakini, 61 yaşlı Altay İsmayılov saxlanılıb.

"Unikal"ın məlumatına görə, adıçəkilən şəxs vətəndaşlara dövlət qurumlarına müxtəlif vəzifələrə işə düzəldəcəyi, eləcə də övladlarını özəl təhsil müəssisələrində təhsil almalarına köməkliklər göstərəcəyi barədə yalan vədlər verərək onların müxtəlif məbləğlərdə pulunu dələduzluq yolu ilə ələ keçirib.

Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib. 

A.İsmayılovun qanunsuz əməllərindən zərər çəkmiş başqa şəxslər varsa, bu barədə polisə məlumat verə bilərlər.

Daha ətraflı məlumat və yeniliklər üçün ain.az saytını izləyin.