Ukrayna prezidenti Vladimir Zelenski 2022-ci ilin fevralında Rusiya ilə müharibə başlayandan bəri çoxsaylı sui-qəsd cəhdlərinin hədəfi olub.
Bu dəfə Zelenskiyə Polşanın Rzeşov-Yasionka hava limanında sui-qəsd cəhdinin qarşısı Ukrayna kəşfiyyatı (SBU) və Polşa Təhlükəsizlik Xidməti (ABW) arasında əməkdaşlıq nəticəsində alınıb. Qatilin keçmiş əsgər və agent olduğu bildirilir.
Plan hava limanında sui-qəsdlə bağlı iki fərqli plan olub - snayper hücumu və ya pilotsuz təyyarəsi ilə sui-qəsd. Lakin şübhəli iki dövlətin koordinasiyalı əməliyyatı nəticəsində yaxalanıb.
SBU-nun rəisi general Vasil Malyuk müharibə zamanı 500-dən çox rus agentinin yaxalandığını və hətta iki yüksək rütbəli rus zabitinin də bu siyahıda olduğunu bildirib. Bildirilir ki, sui-qəsd planının aşkarlanması Rusiya kəşfiyyatının əməkdaşı general Sergey Besedanın işdən çıxarılmasına səbəb olub.
Bu hadisələr Zelenskinin Böyük Britaniyanın baş naziri Key Starmerlə hərbi əməkdaşlığı müzakirə etmək üçün Londona səfəri zamanı baş verib. Zelenski açıqlamasında bildirib ki, ona qarşı çoxsaylı sui-qəsdlər olub. Bu cəhdlərin bəzilərində dron hücumları və ofislərinə basqınlar kimi müxtəlif üsullardan istifadə edilib.
ZÜMRÜD
