Hansısa anda yenidən lazım oldum Bayern in yarımmüdafiəçisi

ain.az xəbər verir, Fanat saytına əsaslanaraq.

"Bayern Münhen"in yarımmüdafiəçisi Leon Qoretska ötən mövsüm komandadakı rolundan və baş məşqçi Vensan Kompani ilə münasibətlərindən danışıb.

Fanat.Az xəbər verir ki, onun sözlərini "Bayern & Germany" belə çatdırıb:

"Mövsümün başlanğıcı mənim üçün, şübhəsiz, çətin alındı. Bu haqda yetərincə danışmışıq. Mövsümün ilk yarısının ortasında hansısa anda yenidən lazım oldum. Düzü, əvvəldən hiss edirdim ki, baş məşqçi mənə dəyər verir. Sonadək bu hiss dəyişmədi. Mənim üçün ən önəmlisi budur, çünki baş məşqçi komandada əsas söz sahibidir. Vensan Kompani ilə münasibətlərimiz çox yaxşıdır. Ötən mövsüm komandaya kömək etməyi bacarmışam və qarşıdakı mövsümdə də "Bayern"ə fayda verəcəyimə əminəm".

Qeyd edək ki, geridə qalan "futbol ili"ndə Münhen təmsilçisinin forması ilə bütün turnirlərdə 40 matça çıxan 30 yaşlı Qoretska 5 qol və 2 məhsuldar ötürmə ilə yadda qalıb. Onun "Bayern" ilə müqaviləsinin müddəti 2026-cı ilin yayına qədər nəzərdə tutulub. 

Nihat

Hadisənin gedişatını izləmək üçün ain.az saytında ən son yeniliklərə baxın.