Türkiyə Prezidenti Rəcəb Tayyib Ərdoğanın sədrliyi ilə sabah Nazirlər Kabinetinin iclası keçiriləcək.
Operativ Media xəbər verir ki, bu barədə “A Haber” məlumat yayıb.
Bildirilib ki, daxili gündəlikdə əsas müzakirə mövzusu son günlər ölkədə baş verən meşə yanğınları olacaq. Hazırki situasiya ilə bağlı Ərdoğana hesabat veriləcək.
Həmçinin antiterror əməliyyatları və iqtisadi durum barədə də müzakirə aparılacaq.
Bundan əlavə, Yaxın Şərq regionunda vəziyyət, o cümlədən İran-İsrail konflikti ilə bağlı vəziyyət dəyərləndiriləcək.
Məlumatda deyilir ki, İstanbulda baş tutmuş Rusiya – Ukrayna danışıqlarının III raundunun perspektivi də diqqət mərkəzində olacaq.
