İsrailin Hərbi Hava Qüvvələrinə məxsus üç helikopter iyulun 2-də səhər saatlarında Suriyanın Dəməşq şəhərinin 10 kilometrliyində yerləşən Yafur yaşayış məntəqəsində xüsusi təyinatlı desantı yerə endirib.
Far.Az xəbər verir ki, bu barədə "Al Mayadeen" telekanalı məlumat yayıb.
Məlumata görə, İsrail xüsusi təyinatlıları bölgədə hərbi bazada "təmizləmə əməliyyatı" aparıblar. Təxminən beş saat davam edən əməliyyatdan sonra israilli hərbçilər helikopterlərlə ərazidən çıxarılıb.
Bundan əlavə, İsrail ordusunun zirehli patrulları səhər saatlarında Livan-Suriya sərhədi yaxınlığında, Dəməşqin qərbində yerləşən Rahle kəndində, eləcə də Deraa əyalətindəki Ayn-Dekər və Sayusun bölgələrində müşahidə olunub.
Yar-muk çayı yaxınlığında aparılan əməliyyat zamanı gizlənən silahlılar və silah anbarları aşkarlanıb. Saxlanılan şəxslər İsrail ərazisinə aparılıb.
