“Terrorsuz Türkiyə” üçün addımlar bir-birinin ardınca nəzarətli şəkildə atılır.
Axar.az xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında deyib.
“Bizim mövqeyimiz aydındır, biz bunu əvvəldən ifadə etmişik. Silahsızlanma qeyd-şərtsiz olmalı, təşkilat struktur olaraq dağılmalıdır dedik və istədiyimizə çatdıq. Terror təşkilatı tərksilah qərarını həyata keçirməyə başlayanda proses bir az da sürət qazanacaq. Silahların, qanların və göz yaşlarının millətimizin gündəmindən tamamilə çıxarılması ilə bizim üçün yeni bir qapı açılacaq. Aidiyyatı qurumlarımız hər addımı diqqətlə izləyir və lazımi addımları da atır”, - Ərdoğan əlavə edib.
