Rusiyanın Zabaykalye diyarında An-2 təyyarəsi qəza enişi edib.
ONN media xəbər verir ki, bu barədə diyarın qubernatoru Aleksandr Osipov məlumat yayıb.
Onun sözlərinə görə, təyyarə havaya qalxdıqdan 16 dəqiqə sonra Çita rayonunda sərt eniş edib.
Təyyarədə 10 paraşütçü və 1 pilot olub. 9 nəfər xəstəxanaya yerləşdirilib. Onlardan üçünün vəziyyəti ağırdır.
Məlumata görə, havada olarkən təyyarənin mühərriki dayanıb.
