Bakı, 7 iyul, AZƏRTAC
UEFA Avropa Liqasının I təsnifat mərhələsində “Sabah” ilə Sloveniyanın “Selye” komandaları arasında keçiriləcək ilk oyuna bilet satışı davam edir.
Klubdan AZƏRTAC-a verilən məlumata görə, artıq qarşılaşma üçün 3 min bilet satılıb.
Azarkeşlər biletləri “iticket.az” saytından, həmçinin “Bank Respublika Arena”nın kassalarından əldə edə bilərlər.
Qeyd edək ki, “Sabah”–“Selye” görüşü iyulun 10-da keçiriləcək. Cavab qarşılaşması isə bir həftə sonra səfərdə olacaq.
