İyulun 9-da Lyuçjou şəhərinin (Quansi Çjuan Muxtar Bölgəsi) İkinci səviyyəli Xalq Məhkəməsi Sintszyan-Uyğur Muxtar Bölgəsi Xalq Siyasi Məşvərət Konfransının keçmiş sədr müavini Dou Vanquini rüşvətxorluqda təqsirli bilib...
Poliqon xəbər verir ki, o, iki il möhlət verilməklə ölüm cəzasına məhkum edilib, ömürlük siyasi hüquqlarından məhrum olunub, bütün şəxsi əmlakı müsadirə edilib.
Dou Vanquinin 2024-cü ilin martında araşdırıldığı və həmin ilin oktyabrında həbs edildiyi bildirilir. Məhkəmə müəyyən edib ki, müttəhim 19 il ərzində (2003-2022-ci illər) korrupsiya cinayətləri törədib.
Sincanda müxtəlif rəhbər vəzifələrdə çalışarkən, o, səlahiyyətlərindən müqavilələr, mədənçilik, korporativ biznes fəaliyyəti və karyera yüksəlişi ilə bağlı strukturların və şəxslərin maraqlarına uyğun istifadə edib. Ümumilikdə onun bu sahədəki qeyri-qanuni gəliri təxminən 229 milyon yuan (demək olar ki, 32 milyon dollar) qiymətləndirilir.
Məhkəmə qərarından belə çıxır ki, vəzifəli şəxsin təqsirini etiraf etməsi, peşman olması, qanunsuz yolla əldə etdiyi vəsaitin qaytarılması cəzanı yüngülləşdirən hal kimi nəzərə alınıb.
Poliqon.info
