Ukraynadakı müharibə Rusiyanın Cənubi Qafqaza nəzarəti bahasına başa gələ bilər.
"Unikal" xəbər verir ki, bu barədə “The Economist” yazıb.
Nəşr qeyd edib ki, Azərbaycanla Ermənistan arasında sülh perspektivləri Rusiyanın təsirini zəiflədir.
"The Economist" əlavə edib ki, əksər insanlar üçün geosiyasət abstraksiya olsa da, Azərbaycan, Ermənistan və Gürcüstanın yerləşdiyi Cənubi Qafqazda yaşayanlar üçün bu, gündəlik təcrübədir.
“Qara və Xəzər dənizləri, Avropa və Asiya arasındakı bölgə köhnə imperiyaların: Osmanlı, Fars və Rus imperiyalarının kəsişməsindədir. Müasir dövrün ən təhlükəli müharibələrinin - Rusiyanın Ukraynaya qarşı və İran-İsrail münaqişəsinin döyüşən tərəflərinin yaxınlığında yerləşən bu region, digər bir neçə region kimi orta güclərin yüksəlişini və böyük dövlətlərin geri çəkilməsini nümayiş etdirir”, - nəşr qeyd edir.
