Filippinli səyyah Sesarin Janett Kordero Azərbaycan hökumətinin işğaldan azad edilmiş ərazilərə qayıdan keçmiş məcburi köçkünlərə göstərdiyi dəstəyə heyran qalıb.
Bu barədə Kordero Cəbrayılda “Report”un müxbirinə bildirib.
“Most Traveled People” və “Global Explorers” qruplarının bir hissəsi olduğum üçün bəxtim gətirib və beləcə buraya gəlmişəm. Azərbaycan torpaqlarında baş verənlərin çoxunu, o cümlədən mina təhlükəsi problemini gördüm”, - o deyib.
Kordero Azərbaycan hökumətinin işğaldan azad edilmiş ərazilərdə həyata keçirdiyi tədbirlərin əhəmiyyətini xüsusilə vurğulayıb.
“Hökumətin evlərini itirmiş və indi öz həyatlarını bərpa etməyə çalışan insanlara necə ümid verdiyini görmək də mənə nəsib oldu. Bu, həqiqətən də təsiredicidir”, - o vurğulayıb.
