Avropa Komissiyası Avropa İttifaqına daxil olmayan ölkələrin vətəndaşları üçün İttifaq ərazisinə giriş haqqını üç dəfə artırmağı təklif edir.
Bu dəyişiklik vizasız rejimə malik ölkələrin vətəndaşlarına da şamil olunacaq.
Â
Yeni qaydalara əsasən, ETIAS adlı icazə sistemi (Avropa Səyahət Məlumatı və İcazə Sistemi) Aİ-yə daxil olmaq üçün məcburi sənəd olacaq. Hazırda bu icazə 7 avroya başa gəlir. Lakin inflyasiya səviyyəsinin artması səbəbindən təklif olunan yeni məbləğ 20 avrodur.
ETIAS sisteminin 2026-cı ilin sonuna doğru işə düşəcəyi gözlənilir.
O zaman Aİ üzvü olmayan ölkələrin vətəndaşları – o cümlədən azərbaycanlılar – Aİ-yə səfər üçün yalnız ödəniş etməklə kifayətlənməyəcəklər.
Onlar onlayn ərizə doldurmalı, şəxsi məlumatlarını təqdim etməli və təhlükəsizlik suallarına cavab verməlidirlər. Bu prosedurlar vizasız səyahət üçün əlavə bürokratik yük kimi qiymətləndirilir.
