Dəməşqdə keçirilən Suriya-Səudiyyə Ərəbistanı İnvestisiya Forumu çərçivəsində anlaşma memorandumu imzalanıb.
Sfera.az “Al- Arabiyya” qəzetinə istinadən xəbər verir ki, dəyəri 6 milyard dollardan çox olan 47 razılaşma Suriyada dövlət və özəl sektorların inkişafını nəzərdə tutur.
Sənədlər kibertəhlükəsizlik, aviasiya və telekommunikasiya sahələrini də əhatə edir.
Suriyanın informasiya naziri Həmzə əl-Mustafa imzalanan sənədlərin Suriyada 50 000 birbaşa və 150 000 dolayı iş imkanlarının yaranmasına səbəb olacağını bildirib.
Forumda Səudiyyə Ərəbistanından təxminən 150 investor iştirak edib.
Firuzə Əliyeva
Sfera.az
