TOVUZ, 28 iyul. TELEQRAF
Tovuz rayonunda üç nəfərin xəsarət alması ilə nəticələnən yol-nəqliyyat hadisəsi baş verib.
Teleqraf-ın yerli bürosu xəbər verir ki, qəza rayonunun Düz Çırdaxan ərazisində yol qovşağında baş verib.
Qazax rayonundan Tovuzistiqamətinə hərəkət edən "Mersedes" markalı avtomobilin sürücüsü idarəetməni itirərək hündürlükdə yerləşən qovşağı dönərkən aşıb.
Nəticədə 1966-cı il təvəllüdlü Asiya Əzizova və daha iki nəfər müxtəlif dərəcəli bədən xəsarərləri alıblar. Yaralılar xəstəxanaya yerləşdirlib. Vəziyyətləri orta-ağırdır.
Xəsarət alan digər iki nəfərin şəxsiyyəti dəqiqləşdirilir.
