ABŞ prezidenti Donald Trampın tətbiq etdiyi gömrük rüsumları “Apple”a sentyabrın sonuna qədər təxminən 2 milyard dollar zərər vura bilər.
Nəşrin məlumatına görə, 2025-ci ilin yazında idxal tariflərinin tətbiqindən bəri “Apple” artıq 800 milyon dollar itki ilə üzləşib. Maliyyə rübünün sonuna qədər şirkətin daha 1.1 milyard dollar itirəcəyi gözlənilir.
Tariflərdən əvvəl “Apple”ın ABŞ bazarı üçün məhsullarının əksəriyyəti Çində istehsal olunurdu. Şirkət indi həmin istehsalın bir hissəsini Hindistana köçürmək üçün çalışır.
“Apple Insider” əlavə edib ki, Donald Trampın avqustun 1-dən Hindistandan gələn bütün məhsullara 25% idxal rüsumları tətbiq etmək qərarı “Apple” üçün əlavə çətinliklər yaradacaq. Hindistan ABŞ-yə smartfon idxalının təxminən 36%-ni təmin edir ki, bu da “Apple”ın ölkədə artan istehsal fəaliyyəti ilə bağlıdır.
