“Şamaxı” yay təlim-məşq toplanışı çərçivəsində sonuncu yoxlama oyununu keçirəcək.
Sportinfo.az xəbər verir ki, bu barədə klubun mətbuat xidməti məlumat yayıb.
Bölgə təmsilçisi avqustun 9-da "Zirə" ilə qarşılaşacaq. Görüş Bakı Olimpiya Stadionunun ehtiyat meydançasında oynanılacaq. Matç saat 17:45-də başlayacaq.
"Şamaxı" bunadək "Qəbələ"yə 1:2 hesabı ilə uduzub, "Karvan"a 2:0 hesabı ilə, "Sumqayıt"a isə 1:0 hesabı ilə qalib gəlib.
