ABŞ prezidenti Donald Tramp Rusiya prezidenti Vladimir Putinlə avqustun 15-də Alyaskanın Ankoric şəhərində təkbətək görüşəcək.
Modern.az xəbər verir ki, bu barədə jurnalistlərə Ağ Evin mətbuat katibi Karoline Livit bildirib.
O, həmçinin bildirib ki, Ukrayna prezidenti Vladimir Zelenski cümə günü Alyaskada keçiriləcək Tramp-Putin sammitinə dəvət olunmayıb, çünki Putin belə istəyib.
"Beləliklə, prezident Tramp Putinin xahişi ilə bu görüşə razılıq verib", -mətbuat katibi deyib.
"Bu görüşün məqsədi prezidentin müharibəni necə bitirə biləcəyimizi daha yaxşı başa düşməyə çalışmasıdır".
K.Livit əlavə edib ki, Tramp münaqişəyə son qoymaq üçün gələcəkdə Zelenski ilə üçtərəfli görüşün baş tutacağına ümid edir.
"Düşünürəm ki, ABŞ prezidentinin Rusiya prezidenti ilə bir otaqda olması, telefonla deyil, üz-üzə oturması dövlət başçısına bu müharibəni necə bitirmək barədə ən yaxşı fikri verərdi".
