ain.az, Qaynarinfo saytından verilən məlumata əsaslanaraq xəbər yayır.
Kifayət qədər maye qəbul etməyinizə baxmayaraq susuzluq hissi keçmirsə və buna yorğunluq, əzələ qıcolmaları kimi şikayətlər də qoşulursa, diqqətli olun. Mütəxəssislər bu vəziyyətin arxasında ciddi səbəblərin dayana biləcəyini bildirir.
Qaynarinfo xəbər verir ki, Dr. Səfanur Dalarslan Karakayanın sözlərinə görə, kifayət qədər maye qəbul etməsinə baxmayaraq davamlı susuzluq yaşayan, üstəlik yorğunluq və əzələ qıcolmaları kimi susuzluq əlamətləri olan şəxslər vaxt itirmədən həkimə müraciət etməlidirlər.
Onun sözlərinə görə, bədənin su-duz balansını poza bilən istənilən vəziyyət susuzluq hissini artıra bilər:
"Əgər kifayət qədər maye qəbul edirsinizsə, lakin yenə də susuzluq davam edir və buna yorğunluq və ya əzələ qıcolmaları kimi dehidratasiya əlamətləri qoşulursa, bu vəziyyətin səbəbi araşdırılmalıdır".
Dr. Karakaya, həddindən artıq susuzluğun bəzən gizli sağlamlıq problemlərinin əlaməti ola biləcəyini qeyd edərək 10 mümkün səbəbi sadalayıb:
1. Xroniki stress (kortizol yüksəkliyi) – Böyrəküstü vəzilərin həddindən artıq stimullaşmasına və zamanla fəaliyyət zəifliyinə səbəb ola bilər.
2. Şəkərli diabet (Diabetes mellitus) – Xüsusilə nəzarətsiz və sağlam qidalanma qaydalarına əməl etməyən xəstələrdə qan şəkəri artdıqca böyrəklər artıq qlükozu sidiklə atmağa çalışır, bu da sidiyin çoxalmasına və susuzluğun artmasına gətirib çıxarır.
3. Diabetes insipidus – Psixoloji səbəbli həddindən artıq su içmə və ya antidiuretik hormon (ADH) çatışmazlığı nəticəsində böyrəklərin suyu saxlaya bilməməsi.
4. Vitamin-mineral balanssızlığı (Na, K, Mg, Ca və s.) – Aşağı kalium, yüksək kalsium səviyyələri böyrək funksiyalarını poza bilər.
5. Hormonal pozğunluqlar – Hipertiroidizm zamanı həddindən artıq tərləmə və sidiyə çıxma; hiperaldosteronizm zamanı natrium tutulması və kalium itkisi; Kuşinq sindromunda kortizol yüksəkliyi.
6. Qidalanma səhvləri – Həddindən artıq duzlu, qablaşdırılmış qidalar, çox proteinli və ya ketogen pəhriz, karbohidrat azlığı mineral balansını poza bilər.
7. Sidikqovucu (diuretik) istifadə – Qida və içkilərdəki diuretik təsir sidiyin və susuzluğun artmasına səbəb olur.
8. Çoxlu qəhvə, çay və alkoqol istifadəsi – Sidikqovucu təsir göstərərək susuzluğu artırır.
9. Ağız quruluğu (kserostomiya) – Əksər hallarda susuzluqla qarışdırılır; tüpürcək ifrazının azalması ağız qoxusu, çeynəmə çətinliyi və yapışqan tüpürcək kimi əlamətlər yarada bilər. Səbəblərə tütün istifadəsi, xoruldama, ağızdan nəfəs alma və yaşlanma daxildir.
10. Menstruasiya dövrü – Estrogen və progesteron səviyyəsindəki dəyişikliklər orqanizmin maye balansına təsir edir. Qan itkisinin çox olduğu günlərdə bədənin maye ehtiyacı artır.
Aydın
Hadisənin gedişatını izləmək üçün ain.az saytında ən son yeniliklərə baxın.
