Rusiya Prezidenti Vladimir Putin, ABŞ Prezidenti Donald Trampla cümə günü keçirilən görüş hələ də dünya mediasının gündəmindədir.
APA xəbər verir ki, bu barədə əsasən The New York Times, AFP və Reuters məlumat yayır.
Məlumata görə, Tramp görüşü “Alaskada böyük və çox uğurlu gün!” kimi xarakterizə edib.
Sammitə dəvət olunmayan Zelenski isə X sosial şəbəkəsində yazıb ki, Rusiyanın döyüşləri dayandırmaq istəməməsi davamlı sülhün qurulmasını çətinləşdirəcək. Bununla belə, o, bazar ertəsi Vaşinqtonda Tramp ilə görüşəcəyini təsdiqləyib. “Dəvət üçün minnətdaram,” – Zelenski paylaşımında bildirib.
