Səbail rayonunda, Qoşa Qala qapılarının yaxınlığında avtomobillərin dayanacaq yeri kimi istifadə etməsi vətəndaş narazılığına səbəb olub. Onlar bildirirlər ki, qala divarlarının ərazisi tarixi abidə zonasıdır və burada avtomobillərin toplanması düzgün deyil.
AzPost xəbər verir ki, narazı vətəndaşların sözlərinə görə, ölkədə hər boş sahənin parkinqə çevrilməsi indi də İçərişəhərin girişində müşahidə olunur. Onlar hesab edirlər ki, bu vəziyyət tarixi mühitə zərər vurur və ərazidə hərəkəti çətinləşdirir.
“Ərazi avtomobillərə bağlıdırsa, niyə orada parkinq edirlər? Bu məsələ ilə bağlı müvafiq qurumların diqqət yetirməsi vacibdir”, – deyə sakinlər bildirirlər.
