"WhatsApp" messencerində yeni funksiya yaradılıb.
Bizim.Media xəbər verir ki, bu barədə "WABetaInfo" məlumat yayıb.
Yeniliyə əsasən, artıq istifadəçilər zəngə cavab verilmədikdə qarşı tərəfə anında səsli mesaj buraxa biləcəklər.
Bunun üçün isə Android smartfonlarının 2.25.23.21 versiyasının zəng interfeysində "Zəngi bitir" və "Yenidən zəng et" bölmələri ilə yanaşı "Səsli mesajı yaz" düyməsi aktivləşəcək.
Həmin hissəyə toxunduqda avtomatik olaraq, səsli mesaj funksiyası aktivləşəcək və zəng etdiyiniz adama səsli mesaj buraxa biləcəksiniz.
Bizim.Media
