Avropa İttifaqına (Aİ) qoşulmaq Serbiyanın əsas xarici siyasət hədəfi olaraq qalır.
APA xəbər verir ki, bu barədə Prezident Aleksandar Vuçiç “Euronews” telekanalına müsahibəsində bildirib.
Serbiya lideri vurğulayıb ki, ölkə Avropaya inteqrasiya istiqamətində kursunu və lazımi islahatları davam etdirəcək. "Mən ölkəyə rəhbərlik etdiyim müddətdə Serbiya lazımi islahatları aparmağa sadiq və qətiyyətlə Avropa yolunda möhkəm qalacaq", - deyə Vuçiç qeyd edib. Onun sözlərinə görə, Aİ-yə üzvlük prioritet olaraq qalır, çünki "ölkə oraya aiddir".
