Almaniyanın müdafiə şirkəti ''Rheinmetall AG Hannover'' yaxınlığındakı Unterlüssdə Avropanın ən böyük sursat zavodunu açıb.
"Operativ Məlumat Mərkəzi-OMM" xəbər verir ki, bu barədə ''Bloomberg'' məlumat yayıb.
Mərasimdə şirkətin baş direktoru Armin Papperger , Almaniyanın müdafiə naziri Boris Pistorius , vitse-kansler Lars Klinqbeyl və NATO-nun baş katibi Mark Rutte iştirak ediblər.
Müəssisənin tikintisinə 2024-cü ildə, zavodun sınaq istismarına isə bu ilin ikinci rübündə başlanılıb. 2027-ci ildən onun ildə 350 min 155 mm-ə qədər artilleriya mərmisi istehsal edə biləcəyi gözlənilir. Sərmayələr 500 milyon avro təşkil edib. 2026-cı ildən müəssisə raket artilleriyasının istehsalına başlamağı planlaşdırır.
