Oxu.az portalından verilən məlumata əsasən, ain.az bildirir.
Avqustun 26-da "Crescent Mall" və onun qonaqları unudulmaz anlara şahidlik etdilər. "F1®" azarkeşləri və "LEGO"sevərlərin səbirsizliklə gözlədiyi gün gəldi - "Zeta Group"a daxil olan "The Entertainer" və "LEGO" əməkdaşlığı çərçivəsində möhtəşəm "BWT Alpine F1® Team" komandasının "A524 LEGO Big Build" avtomobili ölkəmizdə ilk dəfə təqdim olundu.
Dünyada böyük maraq doğuran bu möhtəşəm "LEGO" avtomobili daha əvvəl 2025-ci ildə "Formula-1®" üzrə Mayami Qran-prisi zamanı nümayiş etdirilib, hətta "Formula-1®" pilotlarının və "LEGO Group" komandasının imzalarını da qazanıb.
Tamölçülü "Formula-1®" avtomobilinin "LEGO" versiyası heyrətamiz göstəricilərə malikdir:
- 400 000 LEGO kərpici istifadə olunub;
- 1 500 kq çəkisi var;
- Maksimal sürəti 20 km/saat təşkil edir;
- Onun hazırlanması üçün "LEGO Group"un Çexiyadakı Kladno fabrikində 26 peşəkar dizayner, mühəndis və "LEGO" ustası tərəfindən tam 22 000 saatlıq iş görülüb.
Təqdimat mərasimi "Crescent Mall" ziyarətçiləri üçün əsl bayrama çevrilib. Qonaqlar müsabiqələrdə iştirak edib, müxtəlif "LEGO" hədiyyələri qazanıblar. Tədbirin ən böyük mükafatı isə "The Entertainer"dən 300 AZN-lik hədiyyə kartı olub.
"Zeta Group"un təşkil etdiyi bu təqdimat sadəcə bir avtomobil sərgisi deyil, yaradıcılığın, texnologiyanın və "LEGO" kərpiclərinin sərhədsiz gücünün nümayişidir. Möhtəşəm "BWT Alpine F1® Team" komandasının "A524 LEGO Big Build" avtomobilini 26 sentyabradək "Crescent Mall"da canlı izləmək mümkündür.
Qeyd edək ki, "Zeta Group" 2012-ci ildən fəaliyyət göstərir və tərkibinə "The Entertainer", "Ted Baker", "Pinko", "Ipekyol", "Carpisa", "Life Fitness", "1st Fitness" kimi markalar daxildir. Qeyd olunan brendlər Bakı şəhərin bütün iri ticarət mərkəzlərində təmsil olunurlar. "Zeta Group"a daxil olan "The Entertainer" isə Azərbaycanın ən böyük "LEGO" satıcısı olmaqla yanaşı, həm də 5000-dən çox çeşidi ilə uşaqlar üçün tam təhlükəsiz, lisenziyalı oyunlar və dünyaca məşhur brendlərin məhsullarını təqdim edir.
Daha ətraflı məlumat və yeniliklər üçün ain.az saytını izləyin.
