Sentyabrın 23-də ABŞ Prezidenti Donald Tramp Nyu-Yorkda BMT Baş Assambleyasında çıxış edəcək.
Publika.az xəbər verir ki, bu barədə jurnalistlər üçün keçirdiyi brifinqdə Ağ Evin mətbuat katibi Kerolayn Livitt məlumat verib.
"Prezident sentyabrın 22-də Nyu-Yorka gedəcək və çərşənbə axşamı, sentyabrın 23-də BMT Baş Assambleyasında çıxış edəcək", - o bəyan edib.
BMT Baş Assambleyasının 80-ci sessiyası 2025-ci ilin sentyabrında Nyu-Yorkda işə başlayacaq. Dövlət və hökumət başçılarının gəldiyi yüksək səviyyəli həftə sentyabrın sonunda baş tutacaq.
