“Kəpəz” sabiq qapıçısı Rojerio Santon İdmanxeber.az saytına müsahibə verib. İsrailin “İroni Tiberias” klubunda forma geyinən portuqaliyalı Azərbaycanda oynadığı dönəmdən söz açıb:
– “Kəpəz”də keçirdiyin mövsümü necə xatırlayırsan?
Mənim üçün yaxşı mövsüm oldu. Necə başladığını nəzərə alsaq, yaxşı nəticələndi, çünki “Kəpəz” Premyer Liqada qaldı.
– Azərbaycan futbolunu İsrail futbolu ilə müqayisə etsən, hansı fərqləri görürsən?
Bu mövsümlə bağlı çox şey deyə bilmərəm, çünki hələ yalnız bir oyun keçirilib. Sadəcə onu deyə bilərəm ki, burada stadionlarda daha çox azarkeş oyuna gəlir.
– “Kəpəz” azarkeşləri hər zaman komandaya sadiq olublar. Onlarla bağlı hansı xatirələrin var?
Azarkeşlərlə bağlı yalnız yaxşı xatirələrim var. Onlar həmişə mənə hörmət göstərdilər və dəstək oldular. Mənim təşəkkürüm isə hər oyunda əlimdən gələni ortaya qoymaq idi.
– Azərbaycan Premyer Liqasında sənin üçün ən çətin rəqib hansı komanda oldu?
Məncə, “Zirə” və “Qarabağ” ən çətin rəqiblər idi, çünki onlara qarşı heç bir oyun qazana bilmədik.
– “Kəpəz”dən İsrail klubuna transferin necə baş verdi?
“Kəpəz”lə müqaviləm başa çatdı və mən başqa istənilən klubla müqavilə imzalamaqda azad idim.
– Yeni komandanda adaptasiya prosesi sənin üçün necə keçir?
Hər şey yaxşıdır. Azərbaycandakı kimi, burada da insanlar məni yaxşı qarşıladılar.
– Gələcəkdə yenidən Azərbaycanda oynamaq istərdinmi?
Bir il sonra deyə bilərəm ki, mən ölkəni, insanları və çempionatı bəyəndim. Futbolda isə hər şey mümkündür.
– Səni ən çox hansı azərbaycanlı futbolçu təsirləndirdi?
Konkret birini seçə bilmərəm, amma Azərbaycanda yaxşı futbolçular var.
– Karyeranı davam etdirmək üçün əsas hədəflərin hansılardır?
Hər oyunda əlimdən gələni edirəm və komandada hər zaman vacib bir futbolçu olmağa çalışıram.
– “Kəpəz” azarkeşlərinə hansı mesajı vermək istərdin?
“Kəpəz” azarkeşlərinə bir mesaj vermək istərdim: Hər şey üçün təşəkkür edirəm, mənə göstərdiyiniz münasibətə görə minnətdaram. Bilin ki, hər zaman komandamız və sizin üçün əlimdən gələni etdim.
Fərid Nəsibov
