Rusiya Azərbaycan və Ermənistanın ATƏT-in Minsk qrupunun buraxılması ilə bağlı birgə qərarını dəstəkləyir.
News365.az xəbər verir ki, bunu Rusiyanın ATƏT-dəki daimi nümayəndəsi Aleksandr Lukaşeviç RBK-ya bildirib.
O qeyd edib ki, qrupun 2025-ci ilin dekabrına qədər tamamilə ləğv edilməsi planlaşdırılır:
“Burada söhbət üç institutun - Minsk qrupunun, ATƏT-in fəaliyyətdə olan sədrinin şəxsi nümayəndəsinin və Yüksək Səviyyəli Planlaşdırma Qrupunun işinə xitam verilməsindən gedir”.
Lukaşeviç Minsk qrupunun saxlanmasının məqsədəuyğun olmaması ilə bağlı Azərbaycan və Ermənistanın mövqeyini nəzərə alaraq, onun ləğvinin qarşısını almaq üçün heç bir əsas görmədiklərini qeyd edib.
Qeyd edək ki, Azərbaycan xarici işlər naziri Ceyhun Bayramovun sözlərinə görə, Minsk Qrupunun ləğvi barədə 1 sentyabrda qərarın qəbulu gözlənilir. Təşkilatdan ATƏT-in Minsk qrupunun sentyabrın 1-də ləğvi ilə bağlı qərar layihəsi təsdiq üçün iştirakçı dövlətlərə təqdim edildiyi bildirilib.
