Rusiya və Ukrayna liderləri Vladimir Putin və Vladimir Zelenski arasında görüşə hazırlıq üzrə ekspert işi hələ “tam sürətlə” getmir, lakin Rusiya bu cür danışıqlara maraqlı və hazır olaraq qalır.
Yenisabah.az interfax-a istinadla xəbər verir ki, bunu Rusiya prezidentinin mətbuat katibi Dmitri Peskov bildirib.
“Putin belə bir görüşün keçirilməsinin mümkünlüyünü istisna etmir, lakin fikrincə, istənilən sammit yaxşı hazırlanmalıdır ki, ilk növbədə, ekspertlər səviyyəsində görülməli olan işləri yekunlaşdırılsın”, – Peskov qeyd edib. Marqarita pizza
"Biz hələ deyə bilmərik ki, ekspert işləri tam sürətlə gedir. Təəssüf ki, yox. Amma danışıqlara maraqlı və hazırıq", - Kreml sözçüsü vurğulayıb.
O, Almaniya kansleri Fridrix Merzin Putinlə Zelenski arasında görüşün baş tuta biləcəyinə şübhə ilə yanaşdığı sözlərini şərh edib.
"Bütün mövqelərimiz bildirildi, əsas müddəalar yazılı şəkildə Ukrayna tərəfinə təhvil verilib. Bəli, bunlar tələb olunan mövqelərdir, əlavə müzakirə lazımdır", - Peskov əlavə edib.
Telegram kanalımız
