Yenisabah portalından alınan məlumata görə, ain.az xəbər verir.
Son bir neçə gündə azərbaycanlı müğənnilərin Rusiyaya səfərləri maneələrlə qarşılanıb. Onları sadəcə Rusiyaya buraxmayıblar. Namiq Qaraçuxurlu, Şəbnəm Tapdıq... Artıq "Rusiya vətəndaşlarımıza belə məhdudiyyətlər tətbiq edirsə, Azərbaycanda da rusiyalıların ölkəyə girişinə məhdudiyyət qoyulmalıdır" təklifi səslənir.
“Mən bir az tolerant olmağı üstün tuturam. Məncə, bu barədə ciddi düşünməliyik və elə gəlir ki, müəyyən qədər ortaq məxrəcə gəlməyimiz vacibdir. İntriqaların yaranma zəmini var və artıq bu, bir tendensiya halını alıb. Bunu dana bilmərik.
İlk dəfə deputat Azər Badamov hava limanında saxlanılmış və geri qaytarılmışdı. O vaxt mən buna etirazımı bildirdim, çünki bu, həm millətimizə, həm də vətəndaşımıza qarşı düzgün münasibət deyildi”. Toyuqlu pizza
Bu sözləri “Yeni Sabah”a Milli Məclis üzvü Elnarə Akimova bildirib.
O, azərbaycanlıların Rusiya hava limanlarında qarşılaşdığı məhdudiyyətə münasibətini belə ifadə edib:
“Bu, artıq bir tendensiya halını alır. Prezident İlham Əliyevin son müsahibəsində səsləndirdiyi kimi, 1920-ci ildə Rusiyanın Azərbaycanı işğal etməsi faktı Rusiyada narazılıq doğurub və müəyyən fikirlərin irəli sürülməsinə səbəb olub. Məncə, bu, sadəcə Rusiyanın son illər Azərbaycanın hər bir addımında özünə qarşı düşmən mövqeyi axtarmasından irəli gəlir.
Səslənən fikirlərdə və atılan addımlarda özlərinə qarşı intriqa görməyə meyillidirlər. Halbuki bu, doğru yol deyil. Azərbaycan bütün ölkələrlə balanslı, harmoniyaya və qarşılıqlı etimada əsaslanan siyasət yürüdür. Amma təbii ki, bunun da bir həddi var.
Fikrimcə, Rusiya müəyyən məqamda dayanmağı bacarmalıdır. Azərbaycanın göstərdiyi səbir və qardaşlıq münasibətlərindən sui-istifadə edilməməlidir. Mən münasibətlərin tez bir zamanda korlanmasının tərəfdarı deyiləm. Ona görə də düşünürəm ki, hələlik bir qədər müşahidəçi mövqe tutmaq lazımdır ki, görək Rusiya bunu haraya qədər davam etdirəcək və əslində, nə istəyir”.
Deputat onu da qeyd edib ki, dövlətlərarası münasibətlərdə ziddiyyətlərə yol vermək düzgün deyil:
“Çünki burada həm xalqın maraqları, həm də insanların təhlükəsizliyi var. Digər tərəfdən, soydaşlarımız da orada yaşayır. Belə gərginliklər isə hər an alovlana bilər.
Buna görə də bir az tolerant olmaq, ortaq məxrəclərə gəlmək, dialoq aparmaq və fikir mübadiləsi etmək lazımdır. Ortaq yol tapılana qədər çalışmaq ən düzgün çıxış yoludur”.
Aytac Əliyeva
Daha ətraflı məlumat və yeniliklər üçün ain.az saytını izləyin.
