EN

Talıbovların keçmiş ortağı olan məşhur iş adamı vergi borclarını vaxtında ödəmir

Yeniavaz saytından verilən məlumata görə, ain.az xəbər verir.

“Arkoz İnşaat Şirkəti” MMC (VÖEN – 0200094231) “Arkoz Yol-Su Enerji” MMC-nin (VÖEN – 1604808561) ləğv olunaraq ona qoşulması nəticəsində yenidən təşkil olunduğunu elan edib.

Yeniavaz.com xəbər verir ki, “Arkoz İnşaat Şirkəti” MMC “Arkoz Holdinq”ə bağlı şirkətlərdən biridir.

Qeyd edək ki, Naxçıvan Muxtar Respublikası Ali Məclisinin sabiq sədri Vasif Talıbovun ailə üzvlərinə məxsus olan “Gəmiqaya Holdinq”in adı dəyişdirilərək “Arkoz Holdinq” olub.

Açıqlanan məlumatlara görə, “Arkoz Holdinq” türkiyəli iş adamı Emin Uçara məxsusdur. Emin Uçar eyni zamanda “Gəmiqaya Holdinq”in İdarə heyətinin sədri olub.

Hazırda Naxçıvanda və Azərbaycanın digər bölgələrində həm “Gəmiqaya”, həm də “Arkoz” adlı onlarla şirkət mövcuddur.

Qeyd edək ki, Emin Uçara məxsus “Arkoz” şirkəti Türkiyədə də bir çox sahələrdə fəaliyyət göstərir. Vasif Talıbovun istefasından sonra “Gəmiqaya Holdinq”ə bağlı şirkətlərin nizamnamə kapitallarında da dəyişikliklər olub. Ehtimal etmək olar ki, nizamnamə kapitallarının dəyişməsi təsisçi dəyişikliyi ilə bağlıdır.

Nizamnamə kapitalı 12 milyon 537 min 104 manat 20 qəpik olan “Arkoz İnşaat Şirkəti” MMC-nin hüquqi ünvanı Naxçıvan şəhəri, N. Tusi ev 5-də yerləşir. Şirkətin qanuni təmsilçisi Serkan Ozerdir. Serkan Ozer eyni zamanda “Maqro Construction” MMC-nin Azərbaycandakı filialının da (VÖEN – 1604374251) qanuni təmsilçisidir. “Maqro Construction” MMC 2013-cü ildən Gürcüstanda fəaliyyətə başılayan “Maqro Qrup” şirkətinin tərkibində fəaliyyət göstərir. “Maqro Qrup” şirkətinin tərkibində “Maqro Home” və “Maqro Food” şirkətləri də fəaliyyət göstərir.

“Maqro Qrup”un Gürcüstandakı biznesinə “Green Budapest” və “Green Diamond” yaşayış kompleksləri, “Mercure Tbilisi Old Town” və “Ibis Styles Tbilisi Center” otelləri, “Glorya” mebel istehsalı fabriki və “Bellissa” mebel mağazası, “Madamme Coco” ev aksessuarları mağazası və “Dinehall” restoranları daxildir. Açıqlanan məlumatlarda bu şirkətlərin də sahibinin Emin Uçar olduğu bildirilir.

Onu da bildirək ki, yenidən təşkil olunduğunu elan edən “Arkoz İnşaat Şirkəti” MMC-nin dövlət büdcəsinə 263 min 944 manat 99 qəpik, ləğv olunduğunu elan edən “Arkoz Yol-Su Enerji” MMC-nin isə 6 min 321 manat 27 qəpik vergi borcu var. Bunlardan başqa “Arkoz” adı ilə fəaliyyət göstərən bir neçə şirkətin də dövlət bücəsinə vaxtında ödənilməyən vergi borcaları var:

Elnur Əli

Daha ətraflı məlumat və yeniliklər üçün ain.az saytını izləyin.

Chosen
4
2
yeniavaz.com

3Sources